у апошнюю суботу сакавіка вучні ўдзельнічалі ў міжнароднай экалагічнай акцыі "Гадзіна Зямлі"
Калі мы выкарыстоўваем прыродныя рэсурсы, то не задумваемся аб будучыні. Ці будзе яна ў нашых нашчадкаў? Лёс нашай планеты залежыць ад кожнага з нас, ад усяго чалавецтва. А калі казаць дакладна, ад таго, наколькі беражліва і рацыянальна мы спажываем прыродныя рэсурсы. Ужо стала традыцыяй у Беларусі прымаць актыўны ўдзел у апошнюю суботу сакавіка ў міжнароднай экалагічнай акцыі "Гадзіна Зямлі".
"Гадзіна Зямлі" – гэта штогадовая міжнародная акцыя, падчас якой людзі ва ўсім свеце выключаюць святло і іншыя электрапрыборы на адну гадзіну. І гэта не эканомія электрычнасці, а магчымасць паказаць свой клопат аб нашай планеце. Гэта акцыя - сімвал беражлівых адносін да прыроды. Як любіць сваю планету і клапаціцца аб прыродзе разважалі вучні Мётчанскай сярэдняй школы на класных гадзінах, прысвечаных акцыі "Гадзіна Зямлі".