Экскурсія на Барысаўскі завод агрэгатаў
12 лютага вучні 9 і 10 класа наведалі ААТ "Барысаўскі завод агрэгатаў", які функцыянуе з 1878 года. Вельмі цікава і пазнавальна правялі экскурсію Святлана Пятроўна і сакратар пярвічнай арганізацыі БРСМ Антон Весніч. Лесазавод, суднаверф, вытворчасць запалак і піяніна. Зараз завод спецыялізуецца на выпуску дызельных рухавікоў. Увагу вучняў таксама прыцягнула спартыўная зала, зала стральбы з пнеўматычнай вінтоўкі, трэнажорная зала, сталовая, магазін для работнікаў завода. А спартыўную залу могуць наведваць не толькі рабочыя, але і іх дзеці ў вольны час. Наведалі музей завода, цэх з аўтаматызаваным абсталяваннем і сталярны цэх. Уразіла тое, што ў цэху, акрамя ўсяго абсталявання, знаходзяцца пакаёвыя кветкі. Хочацца выразіць вялікую падзяку за арганізацыю такой цудоўнай экскурсіі.
https://www.instagram.com/share/p/_c6ddgbgH