Народная музычная культура Беларусі - бязмежнае нацыянальнае багацце, якое ўражвае шматграннасцю, самабытнасцю і каларытам. Нашы продкі пакінулі ў спадчыну шмат песень, найгрышаў, інструментальных кампазіцый. Праз стагоддзі нас заварожвае музыка традыцыйных музычных інструментаў - дуды, скрыпкі, цымбалаў, гармоніка… Цяпер асабліва важна не проста захаваць сваё нацыянальнае багацце, не музеефікаваць народную музычную спадчыну, а ствараць магчымасці для яе распаўсюджвання.
13 красавіка 2023 года ў горадзе Мінску адбыўся III Адкрыты конкурс беларускага народнага спеўнага і музычна-інструментальнага выканальніцтва “Згукі мінуўшчыны”.
Акрамя турніраў конкурсу “Спеўнае выканальніцтва” і “Музычна-інструментальнае выканальтніцтва”, у турніры салістаў-мультываканаўцаў твораў народнай спадчыны мелі права ўдзельнічаць выканаўцы, якія не маюць сярэдняй і вышэйшай музычнай адукацыі.
Сярод калектываў і выканаўцаў конкурсаў пераможцамі сталі і нашы навучэнцы Кавальчук Аляксей і Кудзін Кірыл - удзельнікі Заслужанага аматарскага калектыву Рэспублікі Беларусь фальклорнага гурту “Берагіня” (кіраўнікі М.А. Козенка, А.А. Абрамовіч).
Віншуем!!!